Tərcümeyi-hal

Dos. Dr. Cavid Cabbarzadə 2002-ci ildə Azərbaycan Tibb Universitetinin Müalicə işi fakültəsinə qəbul olmuşdur. 2008–2009-cu illərdə 3 saylı Sumqayıt Şəhər Xəstəxanasında qulaq-burun-boğaz xəstəlikləri üzrə internatura keçmişdir. 2009-cu ildə Türkiyə Respublikasında keçirilən TUS (Tibbdə İxtisas İmtahanı) imtahanında xarici vətəndaşlar arasında 2-ci nəticəni əldə etmiş və Hacettepe Universitetində ixtisas proqramı çərçivəsində qulaq-burun-boğaz xəstəlikləri və baş-boyun cərrahiyyəsi ixtisasına qəbul olmuşdur. 2014-cü ildə ixtisası tamamlayaraq qulaq-burun-boğaz xəstəlikləri və baş-boyun cərrahiyyəsi üzrə mütəxəssis olmuşdur.

Dos. Dr. Cabbarzadənin ABŞ və Avropada çap olunan bir çox elmi jurnallarda məqalələri dərc olunmuşdur. Bu məqalələrdə əsasən estetik burun cərrahiyyəsi sahəsində yeni texnikalar, alqoritmlər və cərrahi alətlər öz əksini tapıb. Onun rinoplastikada istifadə üçün hazırladığı iki cərrahi alət (Cabbarzade Crusher və Cabbarzade Blade) patentlə təsdiq olunmuşdur. Dos. Dr. Cabbarzadə bu yenilikləri təqdim etmək məqsədilə hər il dünyanın müxtəlif ölkələrinə rinoplastika ilə bağlı məruzə üçün dəvət edilir. ABŞ, İngiltərə, Almaniya, Norveç, İspaniya, Fransa, İtaliya, Braziliya, Türkiyə, Birləşmiş Ərəb Əmirlikləri, Rusiya, İran, Portuqaliya onun rinoplastika ilə bağlı məruzə edərək Azərbaycanı təmsil etdiyi ölkələrdəndir.

O, 2018-ci ildə Londonda Beynəlxalq Üz Plastik Cərrahiyyəsi Akademiyaları tərəfindən sertifikatlaşdırılaraq “European Board Certified Facial Plastic Surgeon” sertifikatını qazanmışdır. Eyni zamanda, üz plastik və rekonstruktiv cərrahiyyə üzrə “Diplomate” statusu almışdır. 2022-ci ildə isə Vyanada keçirilən ikimərhələli imtahandan sonra “European Board Certified Otorhinolaryngologist” sertifikatını qazanmışdır. Dos. Dr. Cabbarzadə hazırda ölkəmizdə həm qulaq-burun-boğaz, həm də üz plastik cərrahiyyəsi üzrə Avropada sertifikatlaşdırılmış yeganə cərrahdır.

O, 2018-ci ildə Fairmont Hotel Flame Towers - da Azərbaycan səhiyyə tarixində ilk dəfə, 14 fərqli ölkədən cərrahların iştirak etdiyi beynəlxalq rinoplastika konfransını - “Baku Rhinoplasty Days”-i təşkil etmişdir.

Türkiyənin Yeni Yüzyıl Universiteti Gaziosmanpaşa xəstəxanasında tibb tələbələrinə qulaq-burun-boğaz ixtisası üzrə dərslər tədris etmişdir. 2023-cü ildə Dr. Cabbarzadənin elmi fəaliyyəti Türkiyə Respublikasının Universitetlərarası Şurası tərəfindən dəyərləndirilərək ona qulaq-burun-boğaz xəstəlikləri üzrə dosent elmi adı verilmişdir.

Azərbaycan Rinoplastika Cərrahları İctimai Birliyinin həmtəsisçisi və sədridir.